::: ادعي علــيــك :::

جرحتني ورحت عني وياحظك نسيـت
جرحتني وجرحـك الين الحين يبكينـي
خلاص رحت عني يعني خلاص مليـت؟
خلاص ماتفكر فينـي خلاص ماتبينـي؟
ماتوقعت أنجرح وأستاهل اللي عطيـت
ماتوقعت يهـون عليك عذابي وأنينـي
ماتوقعت اني أنجرح منك وما هقيـت
ولا توقعت يجـي منك شي مايرضينـي
خساره خاب فيك ظنـي اللي ظنيـت
وماتت ثقتي بكل الناس اللي حولينـي
ليه غير الكذب و الوهم منك مالقيـت
ليه تظلمني وأنا أهديتك صادق حنينـي
رويتك حبي وغير جرحك ما ارتويـت
صدقت معك بس ليه بكذبك تجازينـي
أنا وفيت و أنت لعبت فيني و تسليـت
وماعمري توقعت انك بتخيب ظنينـي
بعت كل الناس وغيـرك ما اشتريـت
وأنت بعتني وخليتهـم يتشمتوا فينـي
أنا عشقتك بجنـون وغيرك ما حبيـت
وأنت ماحبيت غير نفسك يامشقينـي
أنت اللي اخترت البعد و عني صديـت
وجرحتني وجرحك الين الحين يبكينـي
ومن جرحك بكيت وأنت ماحسيـت
ومن كثر البكا دمـوع عيني تشكينـي
وصلت للمووت وأنت عني مادريـت
ولا حتى فكرت ياظالم تسأل عني وينـي
خلاص أنا من جروحك والله انتهيـت
ومن جروحك كرهت أيامي و سنينـي
اخترتك و أنا أعترف اني والله خطيـت
وندمان بس وش يفيد الندم ياعينـي
للأسف قتلت حلمـي اللي تمنيـت
وما صرت الحبيب اللي تمنيته يخاوينـي
والله ماني مصدق كأني بحلم وصحيـت
معقولـه تجرحني ومن جرحك تدمينـي
بس ربنا موجود وأنـا والله ما نسيـت
انـه من مرض جرحك راح يشفينـي
بدعي عليك ربي في كل مسجد وبيـت
بدعي عليك ربي عاللي سويتـه فينـي
بدعي عليك عسى تعاني مثل ماعانيـت
بدعي عليك بعدد كل جرح مشقينـي
بدعي عليك على كل ونه منها ونيـت
بدعي عليك بكل جرح كنت تعطينـي
بدعي الله يبتليك مثل ما أنـا ابتليـت
وتحس وقتها بالنار اللي فيني وتكوينـي
دعيت عليك في الصلوات اللي صليـت
دعيت عليك بعدد كل جرح مبتلينـي
دعيت عليك و بدعي لأني ما اكتفيـت
والله ينتقم منك بكل دمعـه في عينـي
وعسى تنجرح ومحد يسمع لو شكيـت
والألم يبكيك وتحس باللوعه اللي تجينـي
وعساك تندم و ماتنفع وقتهـا ياليـت
خلاص روح و عاشر غيري اذا لقيـت
وعساه يسقيك من اللي كنت تسقينـي
روح وبتحمل عذابي وكل اللي سويـت
والله يعوضنـي ومن جرحك يداويينـي
انتهيت من حياتي وأنا بجرحك ابتديـت
وبدعي عليك عسى الدعوات تواسينـي


اعجبتني كلماتها واثرت فيني ومدري ليش احسها ضابطه علي .. وربي ابتلاهم مثل ماابتليت فيهم

اتمنى تعجبكم